கிரிக்கெட் சங்கத்தின் (TNCA) முதல் பெண் தலைவர்

RRK

தமிழ்நாடு கிரிக்கெட் சங்க தலைவராக பிசிசிஐ முன்னாள் தலைவர் சீனிவாசன் மகள் ரூபா குருநாத் தேர்வு



தமிழ்நாடு கிரிக்கெட் சங்கத்தின் (TNCA) முதல் பெண் தலைவராக ரூபா குருநாத் தேர்ந்தெடுக்கப்பட்டுள்ளார். இந்திய கிரிக்கெட் வாரியத்தின் முன்னாள் தலைவர் சீனிவாசனின் மகளான ரூபா குருநாத் ஒருமனதாக தேர்வு செய்யப்பட்டுள்ளார்.

பிசிசிஐ-யின் மாநில கிளைகளில் பெண் ஒருவர் தலைவர் ஆவது இதுவே முதல் முறை. தலைவர் பதவிக்கு ரூபாவின் பெயர் மட்டுமே போட்டியிட்டார்.

மேலும் தமிழ்நாடு 87வது பொது கூட்டத்தில் தலைவர், நிர்வாக குழுவினர் உள்ளிட்டோர் ஒருமனதாக தேர்வு செய்யப்பட்டுள்ளனர். இவர்களது பதவி காலம் 2022 வரை நீடிக்கும்.

ரூபா குருநாத்தின் கணவரான குருநாத் மெய்யப்பன் சென்னை சூப்பர் கிங்ஸின் முன்னாள் தலைமை நிர்வாகியாக பதவி வகித்தார்.

ஆனால் கடந்த 2013ஆம் ஆண்டு குருநாத் மீது போட்டி நிர்ணய சூதாட்ட சுமத்தப்பட்ட குற்றச்சாட்டால் கிரிக்கெட்டிலிருந்து விலக்கப்பட்டு அவருக்கு வாழ்நாள் தடை விதிக்கப்பட்டுள்ளது.

குருநாத் மெய்யப்பன் பெருந்தொகையான பணத்தை ஐபிஎல் போட்டிகள் மீது பந்தயம் கட்டும் வழக்கத்தைக் கொண்டிருந்தார் என்றும் சென்னை சூப்பர் கிங்ஸ் அணியின் விளையாட்டு உத்திகள் பற்றி பந்தய சூதாட்டத் தரகர்களுக்கு தகவல் தந்துவந்தார் என்றும் காவல்துறை அப்போது நீதிமன்றத்தில் தெரிவித்திருந்தது.

சட்டவிரோத சூதாட்ட தரகர்களுக்கு தகவல்களை வழங்கியிருந்தமை தொடர்பிலேயே குருநாத் மெய்யப்பன் குற்றவாளி என்று உறுதிசெய்யப்பட்டது.

2014 ஆம் ஆண்டு ஜூன் மாதம் ஐபிஎல் சூதாட்ட குற்றச்சாடுகள் தொடர்பில் குருநாத் மெய்யப்பன் கைது செய்யப்பட்டதை அடுத்து ஸ்ரீநிவாசன் இந்திய கிரிக்கெட் கட்டுப்பாட்டு வாரியத்தின் தலைவர் பதவியில் இருந்து தற்காலிகமாக விலகினார்.

பின் குருநாத் பிணையில் விடுதலையான பிறகு ஸ்ரீநிவாசன் இந்திய கிரிக்கெட் கட்டுப்பாட்டு வாரியத்தின் தலைவர் பதவியை மீண்டும் ஏற்றுக்கொண்டார். பிறகு சர்வதேச கிரிக்கெட் கவுன்சிலின் (ஐ.சி.சி.யின்) அவைத் தலைவராக ஸ்ரீநிவாசன் தேர்ந்தெடுக்கப்பட்டார் என்பது குறிப்பிடத்தக்கது.

“தமிழ்நாடு கிரிக்கெட் சங்கத்தின் முதல் பெண் தலைவராக தேர்வானதில் மகிழ்ச்சி அடைகிறேன். நீண்ட வரலாற்றையும், சிறந்த நபர்களின் தலைமையிலும் இயங்கிய டி.என்.சி.ஏ தொழில்முறை மாநில சங்கமாக விளங்குகிறது. அரசாங்கத்துடனான கால ஒப்பந்தத்தை இறுதி செய்வதற்கு முன்னுரிமை வழங்குவேன். எந்தவொரு ஊழலையும் TNCA சகித்துக்கொள்ளாது. அத்தகைய நிகழ்வுகளில் தகுந்த நடவடிக்கை மேற்கொள்ளப்படும். வீரர்கள் தொடர்ந்து சிறப்பாக செயல்படத் தேவையான அனைத்து வசதிகளையும் தேவைகளையும் நாங்கள் தொடர்ந்து வழங்குவோம், மேலும் அனைத்து வகையான கிரிக்கெட்டிலும் அவர்களின் செயல்திறனை மேம்படுத்த விரும்புகிறோம்,” என்று ரூபா தெரிவித்துள்ளார்.

Source : BBC Tamil

Related Posts you may like

சுடச் சுட...

  • உளுந்தூர்பேட்டை அருகே வைப்பாளையம் கிராமத்தில் மின்சாரம் தாக்கி 4 ம் வகுப்பு சிறுவன் லோகேஷ் உயிரிழப்பு

    09:32:18 AM


  • சென்னை அடுத்த கீழ்கட்டளையில் மாநகர பேரூந்து இருசக்கர வாகனத்தின் மீது மோதியதில் தாய்,மகள் சம்பவ இடத்திலேயே உயிரிழப்பு, விபத்துக்கு காரணமான மாநகர பேரூந்து ஓட்டுனரை பொதுமக்கள் தாக்கியதால் பரபரப்பு

    09:32:07 AM


  • சமயபுரம் பகுதியில் உள்ள தனியார் விடுதியில் விசாரணைக்காக தனிப்படை போலீஸாரால் அழைத்து வந்த திருச்சி துவாக்குடி அண்ணாநகரைச் சேர்ந்த முனியப்பன் மரணம்

    09:31:49 AM


  • இந்தியாவுக்கு எதிரான முதல் ஒருநாள் கிரிக்கெட் போட்டியில் 8 விக்கெட்டுகள் வித்தியாசத்தில் மேற்கிந்திய தீவுகள் அணி வெற்றி.

    09:31:34 AM


  • தென்கிழக்கு டெல்லி பகுதியில் அனைத்து பள்ளிகள், கல்லூரிகளுக்கும் நாளை விடுமுறை

    குடியுரிமை சட்டத்திற்கு எதிரான ஜாமியா பல்கலை. மாணவர்களின் போராட்டம் எதிரொலியால் விடுமுறை - துணை முதல்வர்

    09:31:24 AM


  • ஊரக உள்ளாட்சித் தேர்தலில் திமுக வேட்பாளர்கள் போட்டியிடும் மாவட்டங்கள் அறிவிப்பு

    தி.மலை வடக்கு, தெற்கு, திருச்சி வடக்கு, தெற்கு, கரூர், சேலம் மத்திய, மேற்கு மாவட்டங்களில் திமுக போட்டி

    கோவை தெற்கு, நீலகிரி, மதுரை வடக்கு, தெற்கு, மாவட்டங்களில் திமுக போட்டியிடுகிறது

    09:31:02 AM


  • நிலைமையை கட்டுக்குள் கொண்டுவரவே பல்கலை. வளாகத்திற்குள் நுழைந்தோம், மாணவர்கள் கல்லெறிந்து தாக்கியதில் 6 காவலர்கள் காயம் - டெல்லி போலீசார்

    09:30:35 AM


  • நீதிமன்ற உத்தரவுக்கு பிறகு குடியுரிமை சட்டம் பற்றி சிவசேனாவின் கருத்தை தெரிவிப்போம் - உத்தவ் தாக்கரே

    09:30:22 AM


  • டெல்லியில் குடியுரிமை சட்டத்திற்கு எதிராக யாரும் வன்முறையில் ஈடுபடக்கூடாது; அமைதி காக்க வேண்டும்

    அமைதியான முறையிலேயே போராட வேண்டும் என டெல்லி முதல்வர் அரவிந்த் கெஜ்ரிவால் வேண்டுகோள்

    09:30:10 AM


  • விழுப்புரத்தில் 3 நம்பர் லாட்டரி விற்பனை செய்ததாக அதிமுக பிரமுகர் கோல்ட் சேகர் கைது

    09:29:44 AM


  • மேலும் படிக்க...